Eyni ölçülü iki Yataq dəsti qiymətlərinə baxırsan. Birinin qiyməti 1400 manata yaxındır, digərininki 4800 manatı keçir. İkisində də çarpayı var, tumbalar var, şəkillərdə hər ikisi səliqəli görünür. Bəs fərq haradadır? Yataq dəsti qiymətləri təsadüfən formalaşmır. Karkasın materialı, bazanın quruluşu, üzlüyün keyfiyyəti, dəstin tərkibi son rəqəmi birlikdə müəyyən edir. Bu yazıda həmin amilləri sadə dillə izah edirik, bazalı və bazasız modelləri müqayisə edirik və pulunun əvəzini almaq üçün nəyə diqqət etməli olduğunu göstəririk. [caption id="attachment_928" align="aligncenter" width="1024"] İki fərqli qiymət səviyyəsində yataq dəsti müqayisəsi[/caption] Material seçiminin yataq dəsti qiymətlərinə təsiri Yataq dəsti qiymətləri içində ən böyük pay çox vaxt materialın üzərinə düşür. Bir çarpayıda bir neçə fərqli material işləyir belə ki, karkas, baza, üzlük və doldurucu. Hər birinin seçimi qiyməti ayrıca dəyişir. Karkas: Ən çox rast gəlinən variantlar LDSP, MDF və masiv ağacdır. LDSP yonqar lövhənin üzünə laminat çəkilməklə hazırlanır, büdcəyə uyğundur, amma nəmə və ağır yükə qarşı daha həssasdır. MDF daha sıx və hamar quruluşludur, ona görə kəsmək, frezerləmək və rəngləmək asandır. Masiv ağac ən davamlı, eyni zamanda ən bahalı seçimdir, ağacın növü də qiyməti ayrıca dəyişir. Metal karkas az yayılıb, amma möhkəmliyi ilə seçilir. Üzlük: Parça, süni dəri və təbii dəri arasında qiymət fərqi böyükdür. Parçanın özündə də toxuma sıxlığı və aşınmaya davamlılıq rol oynayır. Ucuz parça…
Ana səhifə · Kataloq · Bloq · Əlaqə